（圖片為網絡圖片）
《莊子．人間世》曾經提過「畫地而趨」呢四個字。按字面解釋，是指人跟住地上畫既綫來行。背後既大約道理，是指人被自己所設定的規則約束而受苦。
其實係M&A（企業併購）世界亦有呢個情況，而且往往受苦既並人不自知。
以下為虛構故事：
有個客打算買一間公司X但唔知點出價，問有咩辦法可以計到X既Market Value。我問個客，如果我set一D大路assumptions再用DCF去計個Market Value，比如得出價值為N，你係咪就衝去用N來買？
個客見我甘講，當然問甘咩意思。其實同買股票一樣，好多時我地都好想得到一個終極答案（價值），但如果世界上真係有一個客觀既終極答案（價值）存在，我懷疑股票市場已經不再存在，因爲股票市場入面所有股票既價格可能基本上會靜止不動。
講到尾，人就係有個「揾到終極答案」既fantasy，對於「大部份事物其實無答案」這個現實，反而感到萬分不安。
呢個心理盲點絕對致命。我用返頭先X個例子，如果我用DCF計出X的價值是8億，個客就會受限住8億呢個數，潛意識覺得如果能用7.5億買到，已經執到寶要開香檳慶祝。
其實，M&A如果真甘簡單直接，做M&A既人實在無需要存在，而我本人亦樂意回鄉耕田。我再推多步：X之所以能得出8億價格，係假設左係一般情況下值8億。但咩叫一般情況下？單單M&A情況其實都好特別，實情而家就係得我個客1個買家，如果我個客唔買就無人接（或者無人敢接），而且X而家每日燒緊錢50萬，係個Seller自己私人科水去維持住X。個Seller既情況，就好似比人綁住係電椅日夜比人折磨走唔到，你覺得我作爲買家，會唔會offer你開7億？你慢慢坐多陣先啦。
其實，對於一D老謀深算既資深投資者，早就明白呢個道理，唔會比咩所謂既參考（「參考」，就係我文章初頭講的那條綫）捆綁住自己思維。
Comments